Ballkani i Ismet Munishit ka vazhduar me fitore duke mposhtur kësaj radhe Arbërinë në udhëtim me rezultat 4-2.

Trajneri Munishi u nda tejet i kënaqur me atë se çfarë treguan futbollistët e tij në këtë përballje, teksa theksoi se mbetet i kënaqur edhe me paraqitjen e futbollistit Mevlan Zeka.

“E kemi ditur që do të jetë një ndeshje e vështirë, pasi që rezultatet e Arbërisë nuk janë të rastësishme”.

“Ndeshjes iu kemi qasur me angazhim pothuajse 120 për qind dhe jam i kënaqur me paraqitjen e secilit futbollistë, sikurse të atyre që startuan, po ashtu edhe të atyre që u inkuadruan në lojë”.

“Krahas fitores jam i kënaqur që edhe Mevlan Zeka po rikthehet në formën e duhur dhe po tregon që është një futbollist cilësor. Ne kemi nevojë për të dhe secilin futbollistë, pasi që kemi orarin e ngjeshur të ndeshjeve dhe na duhet freski”, ka thënë Munishi për “Art Sport 1”.

Pas kësaj fitore skuadra e Ballkanit vazhdon të qëndrojë në pozitën e parë me 16 pikë të grumbulluara.

Në kuadër të xhiros së shtatë, ekipi i Ballkanit e pret Dritën në shtëpi.